ریاست کرناٹک کے ضلع یادگیر میں آل انڈیا یونائٹیڈ ٹریڈ یونین سینٹر یادگیر کی جانب سے آشا ورکرز اور ہاسپٹل ورکرز کو مستقل کرنے کا مطالبہ کرتے ہوئے والمیکی بھون میں ایک اجلاس منعقد کیا گیا۔
اس موقع پر آل انڈیا یونائیٹڈ ٹریڈ یونین سینٹر کی ضلع صدر اومادیوی نے میڈیا سے بات کرتے ہوئے کہا کہ 'ڈپٹی کمشنر کے توسط سے وزیراعلی بی ایس یدورپا کو ایک یادداشت روانہ کی گئی ہے جس میں یہ مطالبہ کیا گیا ہے کہ آشا ورکرز اور ہاسٹل ورکرز کو مستقل کیا جائے۔'
انہوں نے کہا کہ 'کئی برسوں سے خواتین ورکرز خدمات انجام دے رہی ہیں۔ حکومت کو چاہیے کہ وہ ایسے ورکرز کی ملازمت کو مستقل کریں۔'
اس موقع پر آل انڈیا یونائیٹڈ ٹریڈ یونین سینٹر یادگیر کے ذمہ داران کے علاوہ آشا ورکرز اور ہاسٹل میں خدمات انجام دینے والی خواتین کی کثیر تعداد موجود تھی۔'
