گلبرگہ: ریاست کرناٹک گلبرگہ شہر میں ضلع کمشنر محترمہ فوزیہ ترنم اور کرشنا باجپائی الیکٹورل رجسٹریشن آفیسر نے نارتھ ایسٹ گریجویٹ سے اپیل کر تے ہوئے کہا کہ جو بھی کوئی گریجویٹ ہیں۔ وہ ایم ایل سی انتخابات میں ووٹنگ کر سکتے ہیں۔ گریجویٹ اساتذہ کے حلقوں کی انتخابی ووٹنگ فہرست تیار کی جارہی ہے۔ اس لیے گریجویٹ افراد ووٹنگ فہرست میں اپنا نام شامل کرنے کے لیے فارم 18,19 میں درخواست دے سکتے ہیں۔ مگر اس کے ساتھ ہی شرط یہ ہے کہ گریجویٹ کی ڈگری حاصل کر کے تین سال مکمل ہوئے ہوں۔ ان افراد کے لیے ووٹنگ فہرست میں اپنا نام شامل کرنے کا موقع رہا ہے گا۔
یہ بھی پڑھیں:
لوک سبھا انتخابات کے لیے ووٹر لسٹ پر خصوصی نظر ثانی
اس موقع پر کرشنا باجپائی افسر نارتھ ایسٹ گریجویٹ نے کہا کہ ووٹنگ فہرست میں نام درج کرانے کے لیے کل 142875 درخواستیں جمع کی گئیں تھیں۔ ان میں 140430 درخواستوں کو ہی منظور کیا گیا ہے اور ان میں سے 2452 عرضیوں کو برخواست کیا گیا ہے۔ اس موقع پر انھوں نے تمام درخواست دہندہ گان سے گزارش کی ہے کہ جو بھی افراد 06-11-2023 تک درخواست جمع کرا چکے ہیں۔ وہ ceo.karnataka.gov.in پر گریجویٹ حلقوں کی انتخابی فہرستوں میں اپنا نام چیک کرسکتے ہیں۔ اور دعوے اور اعتراضات اگر کوئی کرنا چاہتے ہیں۔ وہ 9 - 12 - 2023 یا اس سے پہلے جمع کر سکتے ہیں۔ ایک سوال کے جواب میں انہوں نے یہ بات بتائی۔
