گھروں میں ہی تراویح پڑھنے کی اپیل

عالمی وبا کورونا وائرس کے سبب پورے ملک میں لاک ڈاؤن نافذ کیا گیا ہے۔ وہیں رمضان المبارک کے موقع پر گھر میں ہی عبادت کرنے کی اپیل کی گئی ہے۔

ریاست کرناٹک کے مفتی سمیع الدین قاسمی نے ای ٹی وی بھارت سے بات کرتے ہوئے بتایا کہ 'ملک میں جاری لاک ڈاؤن کے پیش نظر مسجد میں نماز ادا نہیں کی جا رہی ہے۔ انہوں نے کہا کہ 'رمضان المبارک کے موقع پر گھر پر ہی عبادت کریں اور نماز عشاء کے بعد اپنے اپنے گھروں میں نماز تراویح ادا کریں۔

انہوں نے مزید کہا کہ 'اس وبا سے بچنے کے لیے سحری اور افطاری بھی اپنے گھر میں ہی کریں، مسجدوں کا رخ نہ کریں۔


سمیع الدین قاسمی نے کہا کہ 'کورونا وائرس کی روک تھام کے لیے لگائے گئے قوانین پر ہم سب کو عمل کرنا نہایت ضروری ہے۔