کرناٹک کے وزیر سیاحت سی ٹی روی نے دہلی میں ایک ریلی کے دوران دیے گئے مرکزی وزیر انوراگ ٹھاکر کے اس نعرے کی حمایت میں یہ ٹوئٹ کیا ہے جس میں انہوں نے شہریت ترمیمی قانون کی مخالفت کرنے والے مظاہرین کے خلاف 'ملک دشمنوں کو گولی مارو' کہا تھا۔
وزیر سیاحت نے ٹوئٹ کیا کہ 'جو لوگ ملک دشمنوں کے خلاف دئے گئے بیان کے لیے مرکزی وزیر انوراگ ٹھاکر کو نشانہ بنارہے ہیں انہیں لوگوں نے اجمل قصاب اور یعقوب میمن جیسے دہشت گردوں کو پھانسی کی مخالفت کی تھی۔ان لوگوں نے ٹکڑے ٹکڑے گینگ کی حمایت کی اور سی اے اے کے خلاف جھوٹ پھیلایا۔ ملک دشمنوں کو گولی مارنی چاہیے‘ بریانی نہیں کھلانی چاہیے۔ میں انورا گ ٹھاکر کے ساتھ کھڑا ہوں'۔
گذشتہ ایک ماہ کے دوران کرناٹک میں بی جے پی کے کئی رہنماوں نے سی اے اے مخالف مظاہرین کے خلاف بیانات دیے ہیں۔
