بنگلور: گزشتہ سال دسمبر میں بی جے پی نے اپوزیشن کی سخت مخالفت کے باوجود متنازع اینٹی کنورژن بل اسمبلی سے پاس کردیا تھا جب کہ پارٹی کے ارکان کی تعداد کم ہونے کی وجہ سے کونسل میں یہ بل پیش نہ کر پائی تھی، لیکن اب بی جے پی کی کابینہ نے اس متنازع اینٹی کنورژن بل کو آرڈیننس کے ذریعہ قانون کی شکل دے دی ہے۔ UT Khader on Anti-Conversion Ordinance
اینٹی کنورشن آرڈینینس غیر دستوری: یو ٹی قادر
اس سلسلے میں اسمبلی میں کانگریس کے ڈیپیوٹی لیڈر یو ٹی قادر بی جے پی پر دستور کی توہین کا الزام عائد کیا اور اینٹی کنورژن بل کو جلد بازی میں آرڈیننس کے ذریعے پاس کرنے کے مقصد پر سوال اٹھایا۔ یو ٹی قادر نے کہا کہ متنازع اینٹی کنورژن آرڈینینس بی جے پی کے الیکٹورل پولرائزیشن کی سیاست کا ایک حصہ ہے۔ یو ٹی قادر نے گورنر سے اپیل کی کہ وہ غیر قانونی طریقے سے پاس کیے گئے اینٹی کنورژن آرڈیننس کو منظوری نہ دیں۔
