گلبرگہ: پولیس عہدیدار نے خودکشی کرلی

کرناٹک کے ضلع گلبرگہ میں پولیس کمشنر آفس کے کوارٹرس میں زندگی سے مایوس ہو کر ایک اہلکار نے خودکشی کرلی۔

آج صبح کی ابتدائی ساعتوں میں 54 سالہ ریزرو پولیس اے ایس آئی جگناتھ ولد ریون سدپا نے خودکشی کر لی۔ وہ گذشتہ دیڑہ ماہ سے علیل تھے اور ان کا علاج کیا جارہا تھا۔ جگناتھ نے زندگی سے مایوس ہوکر خودکشی کا انتہائی اقدام کیا۔

کل رات وہ اہل خانہ کے ساتھ کھانا کھانے کے بعد اپنے کمرے میں گئے اور اور آج صبح ان کی لاش کمرے میں پنکھے سے لٹکی ہوئی پائی گئی۔ ا ہوا پایا گیا۔

صبح میں جب جگناتھ کی بیٹی ان کے کمرے میں پہنچی تو اپنے باپ کو پھانسی پر لٹکا ہوا پایا۔ جگناتھ کملاپور تعلقہ ضلع گلبرگہ کے باچنال دیہات کے ساکن تھے۔ اس سلسلہ میں اسٹیشن بازار گلبرگہ پولیس اسٹیشن میں مقدمہ درج کیا گیا۔ ڈی سی پی گلبرگہ اڈور سرینوسلو نے مقام واقعہ کا معائنہ کیا۔