ریاست کرناٹک کے کچھ علاقوں میں ان دنوں گرام پنچایت انتخابات کی سرگرمیاں زوروں پر ہیں۔ ضلع یادگیر میں گرام پنچایت انتخابات کے پہلے مرحلے کی نامزدگیاں جمع کرنے کی آخری تاریخ 12 دسمبر اور نامزدگیوں کو واپس لینے کی 14 دسمبر کو آخری تاریخ تھی۔
موصولہ اطلاع کے مطابق آخری تاریخ گزرنے کے بعد یادگیر ضلع انتظامیہ نے بتایا کہ ضلع میں گرام پنچایت کے پہلے انتخابی مرحلے میں 63 گرام پنچایت کے لیے انتخابات ہوں گے۔ جس کے لیے جملہ 549 پولنگ اسٹیشن قائم کئے گئے ہیں۔
1247 نشستوں کے لیے پہلے مرحلے میں انتخابات ہوں گے جب کہ ضلع یادگیر کے گرام پنچایت کے پہلے مرحلے کے تحت 1247 سیٹوں کے لیے جملہ 4119 پرچہ نامزدگیاں موصول ہوئی ہیں۔ جن میں سے ایک ہزار 121 ایس سی، 72 8 ایس ٹی، 270 اوبی سی، اور 19 37 عام زمرہ کی نامزدگیاں شامل ہیں۔
واضح رہے کہ یہاں جملہ 395709 رائے دہندے اپنے ووٹ کے استعمال کے اہل ہیں۔ جن میں سے 198615 مرد رائے دہندے اور 196078 خواتین ووٹرس ہیں۔ جب کہ سات ووٹرس دیگر ہیں۔
