ریاست کرناٹک میں کورونا کے بڑھتے خطرات کے پیش نظر ریاستی حکومت کورونا پر قابو پانے کے لیے سخت احتیاطی اقدامات کر رہی ہے، جس کے نتیجے میں ضلع میں لاک ڈاؤن نافذ کیا گیا ہے۔
اس کے علاوہ ریاستی حکومت کے گائڈ لائنز کے علاوہ ضلعی انتظامیہ کو کورونا پر قابو پانے کے لیے اپنے اپنے ضلع میں مزید سخت احتیاطی اقدامات اٹھانے کی ضلع انتظامیہ کو ہدایت دی گئی ہے۔ جس کے سبب انتظامیہ کورونا پر قابو پانے کے لیے ہر ممکن کوشش کر رہی ہے۔
وہیں ضلع یادگیر میں محکمہ صحت کے مطابق گزشتہ 24 گھنٹوں کے دوران 184 نئے کیسز سامنے آئے ہیں۔ جس کے بعد کورونا متاثرین کی تعداد 26343 ہو گئی ہے۔ جب کہ اس دوران 321 کورونا مریض صحت یاب ہوئے ہیں۔ جس کے بعد کورونا سے صحت یاب ہونے والوں کی تعداد 23491 ہوگئی ہے۔
