سی اے اے کے خلاف ایک لاکھ افراد جمع

ریاست کرناٹک کے ہبلی شہر میں قومی شہریت قانون کے خلاف انجمن اسلام کمیٹی کے جانب سے احتجاج ریلی اور اجلاس منعقد ہوا۔

اس اجلاس میں ہندو، مسلم، دلت اور دیگر مذاہب سے تعلق رکھنے والے ایک لاکھ لوگوں نے شرکت کی۔

اس دوران انجمن اسلام کمیٹی کے صدر یوسف سونور نے ای ٹی وی بھارت سے کہا گزشتہ ایک ہفتے پہلے انجمن اسلام کمیٹی نے سی اے اے کے خلاف احتجاج کرنے کا اعلان کیا تھا۔ مگر یہاں پر دفعہ 144 نافذ ہونے کی وجہ سے اسے منسوخ کرنا پڑا تھا۔ آج یہاں تمام مذاہب کے لوگوں نے پر امن طریقے سے احتجاج کیا۔

پر امن احتجاج کے بعد نہرو میدان میں ہی ضلع کمشنر کو میمورنڈم بھی سونپا گیا۔ اس موقع پر کانگریس کے رہنما انل کمار نے کہا کہ ملک میں بی جے پی حکومت ذات پات کی سیاست کر رہی ہے۔ مگر مسلمانوں کو گھبرا نے کی کوئی ضرورت نہیں مسلمانوں کے ساتھ لنگایت، دلت اور دیگر مذاہب کے عوام بھی ساتھ ہیں۔ اس لئے ہبلی شہر میں آج ایک بہت ہی پیس فول احتجاج ہوا ہے۔