سرینگر: لداخ یونین ٹریٹری کے ضلع کرگل خود مختار پہاڑی ترقیاتی کونسل - کرگل کے انتخابات کے نتائج میں فی الوقت کانگرس پارٹی کو برتری حاصل ہے۔ابھی تک ظاہر کیے گئے 15 سیٹوں کے نتائج میں کانگرس کے امیدوارو سات سیٹوں پر کامیاب ہوئے ہیں، نیشنل کانفرنس نے چھ سیٹوں پر کامیابی حاصل کی ہے، جبکہ بی جے پی کو دو سیٹیں ملی ہے۔ وہیں آزاد امیدواروں نے دو سیٹوں پر فتح حاصل کی ہے۔
یاد رہے کہ آج صبح آٹھ بجے ووٹوں کی گنتی کا آغاز ہوا تھا لیکن ابھی تک 15 سیٹوں کے ہی نتائج سامنے آئے ہیں۔ ابھی 11 سیٹوں کی ووٹوں کی گنتی جاری ہے۔قابل ذکر ہے کہ 4 اکتوبر کو منعقد کیے گئے ان انتخابات میں 26 سیٹوں کے لیے 85 امیدواروں نے حصہ لیا تھا، جن میں حکمران جماعت بی جے پی نے کے 17 امیدوار، نیشنل کانفرنس کے 17 اور کانگرس کے 22 امیدوار میدان میں آمنے سامنے تھے۔
وہیں عام آدمی پارٹی نے بھی پہلی مرتبہ ان انتخابات میں اپنی قسمت آزمائی کی ہے اور چار امیدواروں کو میدان میں اتارا تھا۔ اس کے علاوہ 25 آزاد امیدوار بھی اپنی قسمت آزمائی کر رہے ہیں۔ کچھ سیٹوں پر این سی اور کانگرس کا دوستانہ مقابلہ تھا۔
مزید پڑھیں:LAHDC Kargil Results لداخ ترقیاتی کونسل انتخابات میں کانگریس 4، این سی 2 اور بی جے پی ایک سیٹ پر کامیاب
واضح رہے کہ دفعہ 370 کی منسوخی اور لداخ خطے کو یوٹی کا درجہ دینے کے بعد اس پہلے انتخاب میں 95388 رائے دہندگان میں سے 74026 نے ووٹ ڈالتے تھے یعنی ووٹنگ کی شرح 77.61 رہی۔کرگل ہل ڈیولیپمنٹ کونسل کی تشکیل کے لئے 30 منتخب امیدوار ہوتے ہیں جن میں 26 کو عوام ووٹنگ سے منتخب کرتے ہیں جبکہ 4 امیدواروں کو ایل جی کی سفارش پر نامزد کیا جاتا ہے۔
