خاتون پر الزام ہے کہ اس کے بھتیجے کے ساتھ ناجائز تعلقات ہیں۔ لیکن خاتون کا کہنا ہے کہ اسے جنسی زیادتی کا شکار بنایا گیا ہے۔ جس کی شکایت خاتون نے پنچایت سے کی لیکن اسے ہی ملزم قرار دے دیا گیا۔
خاتون نے پولیس میں شکایت درج کرائی ہے۔ اس کا کہنا ہےکہ گزشتہ تین مہینے سے شوہر کی غیر موجودگی میں اس کا بھتیجا اس کے ساتھ جنسی زیادتی کرتے آرہا ہے۔ جب یہ بات خاتون نے لوگوں کو بتائی تو اس پر ہی الزام عائد کرکے گاؤں کی خواتین پنچایت نے اسے بدکردار قرار دے دیا۔
اطلاعات کے مطابق پنچایت کے سزا سنانے سے ایک دن پہلے ہی خاتون کا شوہر گھر آیا تھا۔ اسے اس حادثے کے بارے میں کوئی اطلاع نہیں تھی۔ پنچایت کے ذریعہ گھر سے خاتون کو لے جاتے وقت اس کے شوہر نے لوگوں کو روکنے کی کوشش بھی کی تھی ۔
ضلع کوڈرما کے ایس پی ایم تمل وانن نے بتایا کہ 11 لوگوں کے خلاف مقدمہ درج کرایا گیا ہے اور ایس ڈی پی او کو معاملے کی تفتیش کرنے کا حکم دیا گیا ہے۔