رانچی میں دو نوجوانوں کا پیٹ پیٹ کر قتل

رانچی میں دو نوجوانوں کا قتل کیا گیا ہے، لاش برآمد کرلی گئی ہے تاہم ان کی شناخت ابھی تک نہیں ہوسکی، پولیس معاملے کی تفتیش میں مصروف ہے۔'

ریاست جھارکھنڈ کے دارالحکومت رانچی کے نگڑی تھانہ علاقے میں دو نوجوانوں کا پیٹ پیٹ کر قتل کردیا گیا۔ یہ واقعہ رانچی-کُھنٹی سرحد سے متصل لودھما کے قریب پیش آیا ہے۔

ابھی تک دونوں ہلاک ہونے والوں کی شناخت نہیں ہوسکی ہے۔ معاملے کی اطلاع ملتے ہی پولیس کی ٹیم موقع پر پہنچ گئی ہے اور مقامی گاؤں والوں سے دونوں نوجوانوں کی شناخت حاصل کرنے کی کوشش کر رہی ہے۔ تاہم کسی نے اس کی شناخت نہیں کی۔

خدشہ ظاہر کیا جارہا ہے کہ کسی اور جگہ قتل کرنے کے بعد لاش کو وہاں پھینک دیا گیا ہے۔ ہلاک ہونے والے دونوں افراد کی عمر 35 سے 40 سال کے درمیان بتائی جارہی ہے۔

رانچی رورل ایس پی نوشاد عالم نے ای ٹی وی بھارت سے بات کرتے ہوئے کہا کہ 'دو نوجوانوں کو قتل کیا گیا ہے، لاش برآمد کر لی گئی ہے تاہم ان کی شناخت ابھی تک نہیں ہوسکی، پولیس معاملے کی تفتیش میں مصروف ہے۔'