ریاست جھارکھنڈ میں چترا ضلع کے ہنٹر گنج تھانہ علاقہ میں پروجیکٹ گرلس ہائی اسکول کے نزدیک نیشنل ہائی وے نمبر۔99 پر ٹرک حادثہ میں ایک دیہی باشندے کی موت ہوگئی جبکہ پولیس سب انسپکٹر شدید طور سے زخمی ہو گئے۔
پولیس ذرائع نے بتایا کہ اسی تھانہ علاقہ کے گودووار گاﺅں کے باشندہ ویلیش سنگھ ایک تقریب میں شامل ہو کر لوٹ رہے تھے جبکہ مقامی تھانے میں بحال ایس آئی وجے گپتا ہوٹل میں کھانا کھاکر لوٹ رہے تھے ۔
اسی دوران پروجیکٹ گرلس ہائی اسکول کے نزدیک ایک ٹرک نے دو نوں کو کچل دیا، ڈرائیور ٹرک لیکر فرار ہو گیا۔
ذرائع نے بتایا کہ دونوں کو ہنٹر گنج کمیونیٹی ہیلتھ مرکز میں داخل کرایا گیا جہاں ڈاکٹرز نے ویلیش سنگھ کو مردہ قرار دے دیا۔
وہیں سنگین طور سے زخمی اے ایس آئی کو ابتدائی علاج کے بعد رانچی کے راجندر انسٹی ٹیوٹ آف میڈیکل سائنس بھیجا گیا ہے، لاش پوسٹ مارٹم کیلئے بھیج دی گئی ہے۔
