ریاست جھارکھنڈ کے دارالحکومت رانچی کے راتو علاقے میں ایک سات سالہ معصوم بچی کے ساتھ جنسی زیادتی اور قتل کا سنسنی خیز معاملہ سامنے آیا ہے۔
ذرائع کے مطابق بچی کے ساتھ جنسی زیادتی اور قتل کا ملزم بچی کا رشتہ دار ہی ہے جو بچی کے ساتھ جنسی زیادتی کرنے کے بعد اس کا گلا دبا کر قتل کر دیا اور لاش کو بوری میں رکھ کر گاؤں کی ایک ویران جگہ پر پھینک دیا ۔
معاملہ روشنی میں آتے ہی مشتعل لوگوں نے ملزم کو پکڑ لیا اور اس کی جم کر پٹائی کردی۔ مقامی لوگوں کی اطلاع پر موقع پر پہنچی پولیس ملزم کو بھیڑ سے بچاکر تھانے لے آئی اور پوچھ گچھ شروع کردی۔
اس تعلق سے رانچی کے رورل ایس پی نوشاد عالم نے بتایا کہ 'بچی کا قتل اس کے رشتے دار نے ہی کیا ہے، یہ معاملہ جنسی زیادتی کے بعد قتل کا لگتا ہے۔ پولیس نے بچی کی لاش کو قبضہ میں لے کر رمز ہسپتال پوسٹ مارٹم کے لئے بھیج دیا ہے۔'
