جھارکھنڈ اسمبلی میں آج جمشید پور کے مہاتما گاندھی میموریل (ایم جی ایم) ہسپتال میں ایک خاتون کے ساتھ ہوئے عصمت دری کی مخالفت میں بھارتیہ جنتا پارٹی (بی جے پی) کے اراکین اسمبلی نے جم کر ہنگامہ کیا۔
اسمبلی کی کاروائی شروع ہوتے ہی رکن اسمبلی بھانو پرتاپ شاہی نے ایم جی ایم ہسپتال میں خاتون کے ساتھ ہوئے عصمت دری کا معاملہ اٹھایا اور کہا کہ وزیر صحت کے اسمبلی حلقہ میں ہی ایسی حرکت ہوئی ہے۔ لیکن اس پر حکومت کی جانب سے کوئی کاروائی نہیں ہوئی ہے۔
اس پر وزیر صحت بنا گپتا نے کہاکہ جمشید پور کے سینئر پولیس سپرنٹنڈنٹ کو اس معاملے کی جانچ کرنے کی ہدایت دی گئی ہے اور حکومت جانچ میں کوئی کمی نہیں رہنے دے گی۔ لیکن مسٹر گپتا کے اس معاملے کو مشتبہ بتاتے ہی اپوزیشن اراکین اپنی۔ اپنی نشستوں سے شوروغل کرنے لگے۔ اس کے بعد اپوزیشن کے اراکین ایوان کے بیچ میں آکر ہنگامہ کر نے لگے۔
