جھارکھنڈ کے سمڈیگا ضلع کے صدر ہسپتال میں سال کا پہلا دن خوشیاں لے کر آیا۔ تقریبا چار برس سے بچھڑے بیٹے کو ای ٹی وی بھارت کی پہل پر ماں کا آنچل دوبارہ مل گیا۔ بہار کے نوادا ضلع کے چھندواڑا گاؤں کے رہنے والے اہل خانہ نے بتایا کہ چار پرس پہلے علاج کے دورا ان کا بیٹا اپیندن چوہان گھر سے لاپتہ ہو گیا تھا۔
اب اپنے کھوئے ہوئے بیٹے کو پا کر والدین کے خوشی کے آنسو نہیں تھم رہے ہیں۔ بیٹے کو واپس پانے کی خوشی تب اور بڑھ گئی جب پریشان اپیندر نے اپنے خاندان کو پہچان لیا۔
اپیندن چوہان کی ماں یشودا دیوی نے ای ٹی وی بھارت کو بتایا کہ ان کے بیٹے کو زہنی روگ ہے، جس کا علاج کیا جانا ہے۔ اپیند کے لاپتہ ہونے کے بعد انہوں نے اسے تلاشنے کی بہت کوشش کی لیکن کچھ پتہ نہیں چلا۔
اپیندر کے والد غریبا چوہان نے کہا کہ اپیندر اپنی بیماری کی وجہ سے کچھ صاف نہیں بتا پاتا تھا اس لیے اسے ڈھونڈھ پانا مشکل تھا۔ چار برس انتظار کرنے کے بعد ان کی امید ٹوٹنے لگی تھی لیکن ای ٹی وی کی خبر سے ان کا بیٹا انہیں واپس مل گیا۔ غریبا ای ٹی وی بھارت اور سمڈوگا کی دھرتی کا اس کے لیے بار بار شکریہ ادا کرتی ہیں۔ انہوں نے یہ بھی کہا کہ سمڈوگا کی اس دھرتی نے انہیں ان کا بیٹا لوٹایا ہے، اسے وہ پوری زندگی نہیں بھول پائیں گی۔
کیسے ملے والدین
ای ٹی وی بھارت نے اس تعلق سے 19 دسمبر کو خبر شائع کی تھی۔ ہم نے بتایا کہ سمڈوگا کے صدر ہسپتال میں قریب ایک مہینے سے ایک پریشان شخص کا علاج کیا جا رہا ہے۔ جس کی وارڈ اٹینڈینٹ رانی کماری پورے من سے اس کی تیمارداری کر رہی ہیں۔ 'چائلڈ ویلفیئر کمیٹی' کی صدر کرن چودھری نے ای ٹی وی بھارت کی خبر پر توجہ دی اور رانچی کے انسانی حقوق کے کارکن منو شرما نے اپیند چوہان کے اہل خانہ کو ڈھونڈھنے کا ذمہ اٹھایا۔
سماجی کارکن کی محنت رنگ لائی اور انہوں نے بہار کے نوادا ضلع کے چھندواڑا گاؤں میں اپیندر کے اہل خانہ کو دھونڈھ نکالا۔ اپیند کے اہل خانہ کو جب کھوئے بیٹے کی جانکاری ملی تو وہ فورا سمڈوگا آ گئے۔
ای ٹی وی بھارت کی پہل کے لیے اپیندر کے اہل خانہ، صدر ہسپتال کے ڈاکٹروں، سی ڈبلیو سی، صدر اور سماجی کارکن ٹیم نے تحہ دل سے شکریہ ادا کیا ہے۔
