جھارکھنڈ کے ضلع کھونٹی کے تورپا بلاک میں ایک 10 سالہ بچی کے ساتھ 6 نابالغ لڑکوں نے اجتماعی جنسی زیادتی کے معاملے کو انجام دیا، یہ معاملہ اس وقت سامنے آیا جب متاثرہ لڑکی کی ماں ایف آئی آر درج کرانے تھانے پہنچی۔ تھانے میں ایف آئی آر درج ہونے کے بعد پولیس نے کارروائی کرتے ہوئے 5 نابالغ ملزمین کو گرفتار کرلیا اور ایک ملزم کی تلاش جاری ہے۔ Minor Girl Gang Raped in khunti
واقعہ کے تعلق سے بتایا جاتا ہے کہ بدھ کو ملحقہ گاؤں میں شادی تھی۔ اسی دوران کچھ لڑکوں کی لڑکی سے کسی بات پر جھگڑا ہوا۔ لڑکی رات کو اکیلی اپنے گاؤں لوٹ رہی تھی، اسی دوران چھ نابالغ لڑکوں نے اسے پکڑ کر ایک سنسان جگہ لے گئے اور اس کے ساتھ اجتماعی جنسی زیادتی کی۔ معاملے کے بعد متاثرہ اپنے گھر پہنچی اور گھر والوں کو واقعے سے سے آگاہ کیا۔ Minor Girl Gang Raped in khunti
مزید پڑھیں:
- Rape Case in Dholka: نابالغ لڑکی کے ساتھ جنسی زیادتی، آٹھ ملزمین گرفتار
معاملے کے روشنی میں آنے کے بعد گاؤں میں پنچایت بلا کر معاملے کو حل کرنے کی کوشش کی گئی لیکن جب بات نہیں بنی تو تپکارا پولیس اسٹیشن میں ایف آئی آر درج کرائی گئی۔ جس کے بعد پولیس نے 5 ملزمان کو گرفتار کرلیا۔ سبھی ملزمین کی عمریں 9 سے 15 سال کے درمیان ہے اور سبھی اسکول میں پڑھتے ہیں۔
