جے وی ایم نے یہاں دوسری فہرست جاری کرتے ہوئے بتایا کہ 37 امیدواروں کے ناموں کا اعلان کیا جا رہا ہے۔ ان میں پوڑیا ہاٹ کے موجودہ رکن اسمبلی پردیپ یادو پر پارٹی نے اسی اسمبلی حلقہ سے دوبارہ اعتماد ظاہر کیا ہے ان کے علاوہ لوہر دگا سے پون تیگا، منیکا سے راج پال سنگھ، بہرا گوڑا سے ہرموہن مہتو، گھاٹ شیلا سے ڈاکٹر سنیتا اور پوٹکا سے نریش مرمو امیدوار ہوںگے ۔
غور طلب ہے کہ اس سال مکمل ہوئے لوک سبھا انتخاب کے دوران جھارکھنڈ ویکاس مورچہ کی خاتون لیڈر نے دیوگھر تھانے میں مسٹر پردیپ یادو کے خلاف جنسی استحصال کا معاملہ درج کرایا ۔درج ایف آئی آر میں خاتون نے الزام عائد کیاکہ مسٹر یادو نے میٹنگ کے بہانے انہیں دیوگھر کے ایک ہوٹل میں بلایا اور جنسی دست درازی کی کوشش کی۔ حالانکہ اس معاملے میں مسٹر یادو فی الحال ضمانت پر ہیں اور ان کی پارٹی نے ان پر دوبارہ اعتماد کا اظہار کیا ہے۔
