جھارکھنڈ میں بڑا حادثہ ٹلا

ریاست جھارکھنڈ کے ضلع پلامو کے حسین آباد تھانہ علاقہ کے بڈیھہ گاؤں میں پولیس نے چار چوروں کو دیہاتیوں کی گرفت سے آزاد کرایا۔

واضح رہے کہ گزشتہ دنوں ہی جھارکھنڈ کے ضلع سرائے کیلا کھرساواں میں ہجومی تشدد نے تبریز انصاری کو چوری کے الزام میں پیٹ پیٹ کر قتل کردیا تھا۔
حسیب آباد ڈویژن کے پولیس افسر وجے کمار نے بتایا کہ کل دیر رات اطلاع ملی کہ بڈھیہ گاؤں میں چوری کے معاملے میں چار نوجوانوں کو دیہاتیوں نے پکڑ لیا اور انکی پٹائی کررہی ہے۔
انہوں نے مزید بتایا کہ موقع پر پہنچی پولیس نے نوجوانوں کو آزاد کرایا ۔
مسٹر کمار نے بتایا کہ پولیس نے نوجوانوں کے خلاف مقدمہ درج کیا ہے۔ساتھ ہی نامعلوم افراد پر پیٹ کرکے زخمی کرنے کا معاملہ بھی درج کیا گیا ہے۔