ریاست جھارکھنڈ کے وزیر اعلیٰ رگھو ور داس نے ملک میں نافذ ہوئے نئے ٹریفک قانون کو لے کر ریاستی وزیر ٹرانسپورٹ سی پی سنگھ اور محکمہ ٹرانسپورٹ کے دیگر اعلیٰ افسران کے ساتھ ایک میٹنگ کی۔
اس میٹنگ میں وزیر اعلیٰ نے موٹر قانون 2019 کو نافذ کرنے کے بعد مختلف علاقوں میں عوام کو پیش آرہی پریشانیوں کو لے کر بات کی۔
اور یہ حکم دیا کہ آئندہ تین ماہ تک ایک ٹریفک قوانین کا بیداری پروگرام چلایا جائے، جس سے عوام یہ جان سکے کہ اسے کن ضروری کاغذات کو بنوانا ہے، اور کن کاغذات کو اپ ڈیٹ کرانا ہے۔
وزیر اعلیٰ نے یہ بھی کہا کہ اس درمیان جرمانے سے وصول ہونے والی رقم سے ریاست کا بھلا ہوگا، ان رقموں کو ریاست کی ترقی کے کاموں میں استعمال کیا جا سکے گا۔
وزیر اعلیٰ کی طلب کردہ میٹنگ میں ریاستی وزیر ٹرانسپورٹ سی پی سنگھ، ریاستی چیف سکریٹری داکٹر ڈی کے تیواری اور دیگر اعلیٰ افسران شامل ہوئے۔
