پولیس ذرائع نے جمعرات کو یہاں بتایاکہ ارگڈا نوناہی ٹانڈمیں بدھ کی رات ایک نوجوان نے گلے میں پھندا لگا کر خود کشی کرلی ۔ متوفی کی شناخت جتندر مہتو کے طور پر کی گئی ہے ۔ گذشتہ کچھ دنوں سے نوجوان کی دماغی حالت ٹھیک نہیں تھی ۔
ذرائع نے بتایاکہ بدھ کی رات نوجوان کی ماں گھر میں کھانا بنا رہی تھی ۔ دریں اثناءنوجوان نے دوسرے کمرے میں پھندا لگا کر خود کشی کرلی ۔
کھانا بنانے کے بعد اس کی ماں جب کمرے میں گئی تو دیکھاکہ اس کا بیٹا پھندے سے لٹکا ہوا ہے ۔ ان کے شور مچانے اوررونے کی آواز سن کر آس ۔ پاس کے لوگ وہاں پہنچے اور واقعے کی جانکاری رام گڑھ تھانے کو دی ۔
اطلاع ملتے ہی موقع پر پہنچی پولیس نے لاش کو پھندے سے اتار کر پوسٹ مارٹم کیلئے بھیج دیا ہے ۔ معاملے کی تفتیش کی جارہی ہے ۔
