پولیس ذرائع نے یہاں بتایا کہ جیسے ہی باراتیوں کو لیکر جارہی پک اپ وین کریما ٹی جنگل کے جوٹہاٹانڈواقع موڑ کے قریب پہنچی تو گاڑی بے قابو ہوکر پلٹ گئی۔ دولہا کی بہن اور بھانجے کی موقع پر ہی موت ہوگئی اور دس سے زیادہ افراد اس حادثے میں زخمی ہوگئے۔ پولیس اور مقامی لوگوں کی مدد سے سات شدید زخمی افراد کو ہزاری باغ صدر اسپتال پہنچایا گیا۔ جبکہ چار دیگر افراد کا علاج سی ایچ سی میں جاری ہے۔
ذرائع نے بتایا کہ مرنے والوں میں ایچاک کے دانگی گاﺅں باشندہ موتی رام بھوئیاں کی اہلیہ سیتا دیوی (31) اور اس کا بیٹا لکشمن رام بھوئیاں (6) شامل ہیں۔ معاملے کی اطلاع ملنے کے بعد پولیس موقع پر پہنچی اور لاشوں کو پوسٹ مارٹم کے لئے بھیج دیا۔
بتایا جاتا ہے کہ ضلع کے مفصل تھانہ علاقہ کے رول رباشندہ امرت بھوئیاں اپنے بیٹے راجیش رام بھوئیاں کی شادی کے لئے کٹک مسانڈی جارہے تھے۔ پک اپ وین میں لگ بھگ 21 افراد سوار تھے ، جس میں خواتین اور بچے زیادہ تھے۔ واقعہ کے بعد ڈرائیور موقع سے فرار ہوگیا۔
