ریاست جھارکھنڈ کے ضلع سنگھ بھوم کے تھانہ منوہر پور علاقہ میں واقع ڈمبولی گاؤں میں ایک قتل کا معاملہ سامنے آیا ہے۔ آپسی جھگڑے سے ناراض بڑے بھائی بیرو سورن نے اتوار کی رات اپنے چھوٹے بھائی کو لوہے کے پائپ سے وار کر زخمی کر دیا۔ اس کے بعد اس نے کلہاڑی سے اس کے سر پر وار کر ہلاک کر دیا۔
ملزم نے لاش کو 24 گھنٹے گھر میں چھپایا رہا اور پیر کی شام گھر سے 50 میٹر دور ایک گڑھے میں دفنا دیا۔ اس کا انکشاف اس وقت ہوا جب پولیس منگل کے روز جائے واقع پر پہنچی اور قبر کھود کر 42 سالہ سیلائے سورین کی لاش نکالی۔ اس کے بعد پولیس نے قتل کے الزام میں بڑے بھائی کو گرفتار کرلیا۔
منگل کے روز خفیہ اطلاع ملنے پر منوہر پور پولیس جائے واقع پر پہنچی اور لاش کو قبضے میں لے کر پوسٹمارٹم کے لیے چکردھرپور بھیج دیا۔ پولیس معاملے کی تفتیش کر رہی ہے۔
یہ بھی پڑھیں: میرٹھ: جم ٹرینر کا گولی مارکر قتل
پولیس کے مطابق ملزم نے بتایا کہ اس کا چھوٹا بھائی شرابی تھا اور گھر میں ہنگامہ برپا کرتا تھا۔ ہلاک شدہ شخص اتوار کے روز اسی طرح بیرو کے ساتھ الجھ گیا تھا۔ اپنے بھائی سے جھگڑے میں سیلائے نے بیرو پر پتھر سے حملہ کیا، جس دوران غصے کی وجہ سے بیرو نے سیلائے پر گھر میں پڑی لوہے کے پائپ سے حملہ کیا۔ اس کے بعد کلہاڑی سے اس کے سر پر وار کیا جس کی وجہ سے سیلائے کی موت ہوگئی۔
