جموں: یوتھ کانگریس نے جمعرات کو یہاں بجلی فیس میں ممکنہ اضافہ ہونے کے خلاف احتجاج درج کیا۔ احتجاجی بی جے پی اور سرکار کے خلاف جم کر نعرہ بازی کر رہے تھے۔ اس موقع پر ایک احتجاجی نے میڈیا کے ساتھ بات کرتے ہوئے کہا کہ ہم یہاں نوجوانوں کی آواز اٹھانے کے لیے کھڑے ہوئے ہیں۔ انہوں نے کہا کہ جموں و کشمیر میں بجلی بل میں اضافہ ہونے والا ہے۔ Youth Congress hold protest against BJP
ان کا کہنا تھا کہ ’یہ شروعات ہیں جس طرح ہر ماہ پٹرول اور ڈیزل کی قیمتیں بڑھ جاتی ہیں یہی حال بجلی کا بھی ہوگا‘۔ مظاہرین نے کہا کہ جموں و کشمیر میں سب سے زیادہ بے روزگاری ہے جب کہ نوجوانوں کو کوئی سننے والا نہیں ہے۔ انہوں نے کہا کہ ہم جموں و کشمیر میں بجلی مہنگی نہیں ہونے دیں گے۔ ان کا یہ بھی مطالبہ تھا کہ جموں و کشمیر کو ریاستی درجہ واپس ملنا چاہیے اور یہاں اسمبلی انتخابات جلد سے جلد منعقد ہونے چاہیے۔ Protest against BJP in Jammu
یہ بھی پڑھیں:
