جموں ڈویژن میں کورونا وائرس مثبت معاملوں کی تعداد میں مسلسل اضافہ درج کیا جا رہا ہے۔
منگل کو جموں ڈویژن کے سامبا ضلع میں 4 اور کٹھوعہ میں 6 نئے کورونا وائرس مثبت معاملے سامنے آئے ہیں۔
سامبا کے سرحدی گاؤں رام گڑھ میں دو اور بڑی براہنا سے دو کووڈ 19 کے مثبت معاملے سامنے آئے ہیں۔
اس سے جموں انتظامیہ کافی فکر مند ہے کیونکہ ڈویزن میں کورونا مثبت معاملے میں مسلسل اضافہ درج کیا جا رہا ہے اور اب مخلتف ریاستوں سے بھی پھنسے ہوئے طلبہ، و دیگر افراد جموں پہنچ رہے ہیں۔
مختلف مقامات پر لوگوں کو کورینٹین کرنے کے لئے مرکز تو بنایا گیا ہے لیکن اگر اس طرح سے مثبت معاملوں میں اضافہ ہوگا تو انتظامیہ کو کافی مشکلات کا سامنا کرنا پڑ سکتا ہے۔
