سرینگر ۔ جموں قومی شاہراہ بحال

کشمیر کو ملک کے باقی حصوں سے جوڑنے والی 270 کلو میٹر طویل سرینگر - جموں قومی شاہراہ آمد و رفت کے لیے بحال کر دی گئی ہے۔

تین گھنٹے ٹریفک کی آمدورفت بند رہنے کے بعد وادی کشمیر کو زمینی راستے سے ملک کے ساتھ جوڑنے والی 270 کلو میٹر لمبی جموں ۔ سرینگر قومی شاہراہ کو دوبارہ بحال کر دیا گیا ہے۔

یہ شاہراہ رامبن کے قریب ماروگ کے مقام پر زمینی تودہ اور بھاری چٹانیں سڑک پر کھسکنے کی وجہ سے آج صبح 11 بجے ہر قسم کی ٹریفک کے لیے بند کر دی گئی تھی جس کی وجہ سے سیکڑوں مسافر بردار اور مال بردار گاڑیاں سڑک کے دونوں طرف پھنس کر رہ گئی تھیں۔

سڑک کھولنے کے بعد مسافروں نے اطمینان کا سانس لے کر اپنی اپنی منزلوں کی طرف کوچ کرنا شروع کر دیا۔ ڈپٹی ضلح انتظامیہ رامبن شاہراہ بحالی کے لیے کام کی نگہداشت کر رہے تھے۔ ٹریفک پولیس نیشنل ہائی وے رامبن کے مطابق جموں کی طرف رامسو، بانہال میں روکے ٹریفک کو بھی جموں کی جانب روانہ کر دیا گیا ہے جبکہ درماندہ مسافر گاڑیوں کو بھی جموں کی طرف جانے کی اجازت دے دی ہے۔