جموں کے شہیدی پارک میں کانگریس پارٹی کارکنان نے مرکزی حکومت کے خلاف سخت نعرے بازی کی۔
پیٹرول ڈیزل کی قیمتوں میں اضافے کے خلاف احتجاج
اس موقع پر جموں و کشمیر کانگریس یوتھ صدر ادیوسنگھ چب نے میڈیا نمائندوں سے کہا کہ اقتدار میں آنے سے قبل بی جے پی کا نعرہ تھا کہ 'بہت ہوئی ڈیزل پٹرول کی مار اب کی بار مودی سرکار' تاہم آج میں ان کے لئے کہنا چاہتا ہوں کہ 'بہت ہوئی مہنگائی کی مار بس کرو مودی سرکار'۔
انہوں نےکہا کہ' جس طرح سے مرکزی حکومت کی جانب سے پٹرول و ڈیزل کی قیمتوں میں اضافہ ہو رہا ہے۔ یہ عوام کے لئے بی جے پی کا تحفہ ہے۔
انہوں نے کہا کہ ایک وقت وہ بھی تھا جب یو پی اے کے دور میں ایک روپیے کا اضافہ ہوتا تھا تو بی جے پی کارکنان سڑکوں پر احتجاج کرنا شروع کرتے تھے۔
