جموں میں آج کانگریس کے جموں مونسپل کارپوریشن کے کارپوریٹرز نے پریس کانفرنس کی ۔ اس موقع پر کانگریس کے سینیئر رہنما و ضلع صدر وکرم ملہوترا نے کہا کہ 'جموں شہر کو صاف ستھرا رکھنے کے نام پر بی جے پی نے کارپوریشن کو لوٹ لیا'۔
جموں میں کارپوریٹرز کی پریس کانفرنس
انھوں نے مزید کہا کہ 'جموں مونسپل کارپوریشن کے انتخابات سے پہلے اور انتخابات کے بعد بی جے پی نے کہا تھاکہ کارپوریشن میں تبدیلی آئے گی لیکن آج تک کوئی تبدیلی دیکھنے کو نہیں ملی، نہ ہی کارپوریٹرز کو آئینی درجہ دیا گیا'۔
انہوں نے کہا کہ 'اب ہم میڈیا کے توسط سے بی جے پی اور گورنر سے اپیل کرتے ہیں کارپوریشن پر پوری توجہ دی جائے تاکہ عوام کو مشکلات کا سامنا نہ کرنا پڑے'۔
