ایک ایسے وقت میں جب قریبی رشتہ دار بھی کورونا وائرس سے فوت ہونے والے افراد کی آخری رسومات انجام دینے سے ہچکچا رہے ہیں۔ وہیں، جموں میں ایک رضاکارنہ تنطیم سے وابسطہ چند نوجوان کورونا سے ہلاک ہونے والے لوگوں کی تدفین میں پیش پیش ہیں۔
جموں کے گورنمنٹ میڈیکل کالج میں آج خطہ کشمیر سے تعلق رکھنے والے ایک معمر شخص کی موت کورونا وائرس سے ہوئی جن کی آخری رسومات آج جموں کے گوجر نگر قبرستان میں ادا کی۔
یہ بھی پڑھیں: جموں و کشمیر: رواں ماہ میں 1200 سے زائد اموات
این جی او ابابیل خطہ جموں کے صدر مفتی آصف نے اس موقع پر ای ٹی وی بھارت کے ساتھ بات کرتے ہوئے کہا کہ انہیں متوفی کے لواحقین کا فون آیا کہ مذکورہ شخص کی موت کورونا وائرس سے گھر میں واقع ہوئی ہے جس کے بعد رضاکاروں نے لاش کو جموں میڈیکل کالج پہنچایا جہاں قانونی لوازمات پورا کرنے کے بعد ان کو یہاں قبرستان پہنچایا گیا۔
