دو روز بعد ہی پی ڈی پی کے نئے جنرل سیکریٹری مستعفی

سریندر چودھری نے محبوبہ کو خط میں لکھا ہے کہ 'پی ڈی پی کا ایک سادہ اور نچلی سطح کا کارکن ہونے کی وجہ سے میں پارٹی کی اتنی اہم ذمہ داریوں کو ادا نہیں کرسکوں گا لہذا میں دونوں، ریاستی جنرل سکریٹری اور پی اے سی کے ممبر کے عہدے سے استعفیٰ دے رہا ہوں۔'

پی ڈی پی کے سینیئر رہنما سریندر چودھری نے بدھ کے روز پارٹی کے عہدوں سے استعفیٰ دینے کا اعلان کیا لیکن کہا کہ وہ 'سادہ کارکن' کی حیثیت سے پارٹی کی خدمت جاری رکھیں گے۔

واضح رہے کہ صدر محبوبہ مفتی نے انہیں دو روز قبل پارٹی کا جنرل سکریٹری اور پولیٹیکل افیئرز کمیٹی کا ممبر مقرر کیا تھا۔

15 مارچ کو پیپلز ڈیموکریٹک پارٹی کے صدر نے پارٹی کے تنظیمی ڈھانچے کو نئی شکل دی اور نئے عہدیداروں کے ساتھ ساتھ 15 رکنی پی اے سی کے ممبروں کے نام کام اعلان کیا تھا۔

سابق ​​ایم ایل سی چودھری نے محبوبہ کو خط میں لکھا ہے کہ 'پی ڈی پی کا ایک سادہ اور نچلی سطح کا کارکن ہونے کی وجہ سے میں پارٹی کی اتنی اہم ذمہ داریوں کو ادا نہیں کرسکوں گا لہذا میں دونوں، ریاستی جنرل سکریٹری اور پی اے سی کے ممبر کے عہدے سے استعفیٰ دے رہا ہوں۔'

چودھری نے کہا کہ 'میں ایک سادہ کارکن کی حیثیت سے پارٹی کی خدمت کروں گا، جو میں برسوں سے کر رہا ہوں'۔

محبوبہ نے سینیئر رہنما عبدالرحمان ویری کو پارٹی کا نائب صدر نامزد کیا جبکہ جی این لون ہنجورا، سریندر چودھری، امریک سنگھ رین اور ارشد ملک کو پی اے سی تشکیل دینے کے علاوہ پارٹی کے جنرل سکریٹریوں کے لئے نامزد کیا۔

سابق وزیر اعلیٰ محبوبہ مفتی پی اے سی کی نئی سربراہ ہیں جس میں ویری، ہنجورا، محمد سرجت مدنی، ڈاکٹر محبوب بیگ، نعیم اختر، آسیہ نقاش، چودھری، یشپال شرما، تصدق حسین، صوفی عبد الغفار، نظام الدین بھٹ، فردوس احمد تاک شامل ہیں۔

چودھری نے کہا کہ "مفتی نے اپنے ویژن اور دور اندیشی کی وجہ سے پارٹی کے ہر کارکن اور قائد کی صلاحیتوں کو بروئے کار لایا ہے۔ راجوری کے سرحدی علاقے کا رہائشی ہونے کے ناطے انہوں نے میری صلاحیت کو بہتر بنایا اور مجھے قائد کی حیثیت سے ترقی کرنے کے مواقع فراہم کیے۔'

انہوں نے مزید کہا کہ 'میں صرف ایک سادہ کارکن کی حیثیت سے خدمات انجام دوں گا اور میری نیک خواہشات ہمیشہ آپ کے ساتھ ہیں۔'