انہوں نے کہا کہ اس سلسلے میں فیصلہ لیفٹیننٹ گورنر جی سی مرمو کی صدارت میں منعقدہ انتظامی کونسل کے اجلاس میں کیا گیا۔
جموں و کشمیر انتظامیہ کے ترجمان روہت کنسل
انہوں نے مزید بتایا کہ فورتھ گریڈ کی آسامیاں خالی کرنے کے لیے تیز اور آسان طریقہ کار وضع کرنے کے فیصلے کے بعد حکومت کی جانب سے ڈاکٹرز، پنچایت اکاؤنٹ اسسٹنٹس اور فورتھ گریڈ ملازمین کی ہر سطح پر تیزرفتار بھرتی کے لیے دس ہزار سے زائد آسامیوں کو پرُ کرنے کا فیصلہ کیا گیا۔اور یہ عمل جلد ہی شروع کیا جائے گا۔
انہوں نے کہا کہ اس عمل کو آسان بنانے اور تمام کمیوں کو دور کرنے کے لیے، انتظامی کونسل نے یہ بھی حکم دیا ہے کہ تمام متعلقہ محکمے صرف اس فیصلے کی بنیاد پر بھرتی قواعد میں ضروری ترامیم کریں گے اور اس کے لیے کوئی علیحدہ منظوری نہیں لی جائے گی۔
