پیپلز ڈیموکرٹیک پارٹی (پی ڈی پی) کے ترجمان برائے صوبہ جموں فردوس ٹاک نے پارٹی صدر محبوبہ مفتی کے جموں دورہ کے بارے میں تفصیلات فراہم کرتے ہوئے کہا کہ محبوبہ مفتی آئندہ کل پی ڈی پی دفتر گاندھی نگر، جموں میں پارٹی کارکنان سے خطاب کریں گی اور بعد ازاں پارٹی لیڈران کے ساتھ میٹنگ بھی منعقد ہوگی۔
فردوس ٹاک کے مطابق میٹنگ میں پارٹی کے امور اور مستقبل میں لائحہ عمل کے بارے میں فیصلہ لیا جائے گا۔ انہوں نے مزید کہا کہ محبوبہ مفتی آنے والے دنوں میں جموں کے مختلف علاقوں کا دورہ کرکے پارٹی کے لیڈران و کارکنان سے ملاقات کریں گی۔
مزید پڑھیں: آئین ہند پر یقین رکھنے والے کشمیری رہنماؤں کو مشکلات کا سامنا: محبوبہ مفتی
کشمیری شال اوڑھے سعودی ولی عہد شہزادے کا فوٹو وائرل
محبوبہ مفتی کے دورے سے قبل پارٹی دفتر میں ان کے استقبال میں نئے بینرس اور پوسٹرس بھی لگائے گئے ہیں۔
بتادیں کہ دفعہ 370 اور 35 اے کی منسوخی کے بعد پی ڈی پی صدر محبوبہ مفتی کا یہ جموں کا دوسرا دورہ ہے جہاں وہ پارٹی کارکنان سے خطاب کریں گی۔
