لیفٹیننٹ گورنر منوج سنہا نے 'عوام کی بات' ویب سائٹ کا آغاز کیا

لیفٹیننٹ گورنر نے کہا کہ یہ عوام کی شرکت کے تصور کو مستحکم کرنے کی طرف ایک اچھا قدم ہے جس کے ذریعے لوگوں کی شکایات کو سنا جائے گا۔

لیفٹیننٹ گورنر منوج سنہا نے جموں راج بھون میں "عوام کی بات" ویب سائٹ شروع کی۔ اس کے علاوہ آدھا گھنٹہ طویل ریڈیو پروگرام ہر مہینہ کے تیسرے اتوار کو (اپریل سے) نشر کیا جائے گا جس میں عوامی شکایات کو سنا جائے گا۔

لیفٹیننٹ گورنر نے کہا کہ یہ عوام کی شرکت کے تصور کو مستحکم کرنے کی طرف ایک اچھا قدم ہے جس کے ذریعے لوگوں کی شکایات کو سنا جائے گا۔

سنہا نے مزید کہا کہ 'عوام کی بات' ایک نیا قدم ہے جس کا مقصد عوام سے رائے لینا ہے تاکہ حکمرانی کے عمل کو معنی خیز بنایا جائے۔

ویب سائٹ پر لیفٹیننت گورنر کو صلاح و مشورہ دینے کے لئے ایک جگہ مخصوص رکھی گئی ہے جس کا 'رائٹ ٹو گورنر' نام رکھا گیا ہے۔

اس کے علاوہ لوگ اپنی شکایات اور مسائل 'welisten-akb@jk.gov.in' پر بھیج سکتے ہیں۔