جموں و کشمیر کے لیفٹیننٹ گورنر منوج سنہا نے آج جموں کے گورنمنٹ میڈیکل کالج اور اسپتال میں کووڈ - 19 کا ٹیکہ لگوایا۔
واضح رہے کہ اس سے قبل جموں و کشمیر کے سابق وزیر اعلیٰ فاروق عبداللہ نے بھی کورونا وائرس کا ٹیکہ لگوایا تھا۔
نیشنل کانفرنس کے نائب صدر عمر عبداللہ نے عوام سے اپیل کی تھی کہ وہ کورونا مخالف ٹیکہ ضرور لگوائیں۔
حال ہی میں کچھ نیوز رپورٹس سامنے آئی تھیں جن میں دعویٰ کیا گیا تھا کہ جموں و کشمیر میں طبی شعبے سے وابستہ افراد بھی ٹیکہ لگانے سے دور بھاگ رہے ہیں لیکن گزشتہ چند روز سے دیکھا گیا کہ جموں و کشمیر کی اہم شخصیات جن میں ڈاکٹر بھی شامل ہیں، ٹیکہ کاری مہم میں شریک ہو رہے ہیں۔
