جموں و کشمیر اکیڈیمی آف آرٹ، کلچر اینڈ لنگویجز کے اہتمام سے 28 جنوری کو شام 4 بجے ابھینو تھیئٹر جموں میں ایک کل ہند اردو مشاعرے کا اہتما کیا جارہا ہے جس میں اردو کے تقریباً 35 معروف شعرا کرام کی آمد متوقع ہے۔
جموں کشمیر اکیڈیمی آف آرٹ، کلچر اینڈ لنگویجز کے سکریٹری منیرالاسلام نے ای ٹی وی بہارت کے ساتھ بات کرتے ہوئے کہا کہ یوم جمہوریہ کے موقعہ پر اکیڈیمی ہر سال کل ہند مشاعرے کا اہتمام کرتی ہے اور حسب سابقہ اس بار بھی اس مشاعرے کا انعقاد ہورہا ہے جس میں ملک بھر سے آنے والے شعرا کرام شرکت فرماکر سخن فہم اور نکتہ سنج حاضرین کو مستفید اور محظوظ فرمائیں گے۔ مشاعرے میں
سامعین کی ایک بڑی تعداد کے حاضر رہنے کی توقع کی جارہی ہے۔ اس مشاعرے میں اردو کے نامی گرامی شعرائے کرام بھی تشریف آور ہورہے ہیں جن میں سے کچھ شعرا پہلی بار جموں میں منعقد ہونے جارہے اس مشاعرے میں شریک ہونے جارہے ہیں۔
بیرون ریاس کے شرکائے مشاعرہ میں کچھ شعرا کرام جن میں کرن کمار طور، منظر بھوپالی، ڈاکٹر ماجد دیوبندی، انادہلوی، چندر بھان خیال، جوتی آزاد کھتری، علینا عطرت رضوی، اشوک ساحل، سردار پنچھی، جبکہ ریاست جموں و کشمیر سے تعلق رکھنے والے شعرا کرام میں ڈاکٹر سید شبیب رضوی، عرش صہبائی، پرتپال سنگھ بیتاب، رخسانہ جبین، زاہد مختار، لیاقت جعفری اور اشرف عادل وغیرہ قابل ذکر ہیں۔
