پیٹرول - ڈیزل کی قیمتوں میں اضافہ، ٹرانسپورٹرز پریشان

ٹرانسپورٹ یونین کے صدر ٹی ایس وزیر نے منعقدہ پریس کانفرنس میں کہا کہ پیٹرول - ڈیزل کی قیمتوں میں اضافہ سے ٹرانسپورٹرز کی پریشانی میں بھی خاطر خواہ اضافہ ہوگیا ہے۔

جموں میں منعقدہ پریس کانفرنس سے خطاب کرتے ہوئے انہوں نے کہا کہ' ٹرانسپورٹرز پہلے ہی کووڈ۔19 کی وجہ سے پریشان تھے، وہیں مہنگائی نے ٹرانسپورٹرز کو بربادی کے دہانے پر پہنچا دیا ہے اس پر پیٹرول ڈیزل کی قیمتوں میں اضافے سے ان کی پریشانیوں میں اضافہ ہوگیا ہے۔'

اس موقعے پر انہوں نے وزیر اعظم نریندر مودی اور جموں و کشمیر ایل جی انتظامیہ سے اپیل کی کہ بڑھتی مہنگائی کو دیکھتےہوئے کرائے میں بہتری کی جائے تاکہ ٹرانسپورٹرز کو راحت ملے'۔