جموں: جموں یونیورسٹی کے احاطے میں ایک پروفیسر نے مبینہ طور پر پھانسی لیکر خودکشی کرلی۔ پروفیسر (ڈاکٹر) چندر شیکھر جموں یونیورسٹی کے ایک کوارٹر میں مقیم تھے اور انہوں نے یونیورسٹی کے شعبہ نفسیات کے دفتر میں مبینہ طور پر خودکشی کر لی۔Jammu University Professor Hangs self to death
جموں یونیورسٹی شعبہ نفسیات کے پروفیسر ڈاکٹر ارتی بخشی نے ذرائع ابلاغ کے نمائندوں سے بات کرتے ہوئے کہا کہ انہیں فون کال موصول ہوئی کہ پروفسر ڈاکٹر چندر شیکھر نے دفتر میں خود کشی کی ہے جسکے بعد وہ موقع پر پہنچے۔ انہوں نے کہا کہ ’’(خودکشی کرنے والے) پروفسر کے خلاف یکم ستمبر 2022 کو 20 سے زائد طالبات نے جنسی ہراسانی کی شکایت درج کرائی تھی جس کے بعد تحقیقات شروع کی گئیں۔‘‘ Sexual Harassment Accused Prof commits Suicide
ارتی بخشی نے بتایا کہ پروٹوکول کے مطابق اس معاملے کی تحقیقات شروع کی گئی اور ابتدائی تحقیقات کے بعد شکایت کنندہ پروفیسر کو نوکری سے معطل کر کے معاملے کی باریک بینی سے جانچ جاری رکھی گئی۔ جس کے بعد پروفیسر نے خودکشی انجام دی۔ Sexual Harassment Accused Prof Hangs Self to death دریں اثناء، جموں پولیس نے لاش کو اپنی تحویل میں لیکر جموں میڈیکل کالج پہنچایا جہاں قانونی و طبی لوازمات کی تکمیل کے بعد کیس کی مزید تحقیقات کی جائے گی اور میت کو آخری رسومات کے لیے لواحقین کے سپرد کر دیا جائے گا۔
پروفسر ڈاکٹر چندر شیکھر ریاست اتر پردیش کے میرٹھ شہر سے تعلق رکھتے ہیں۔
