رواں برس ماہ جون کی 28 تاریخ سے شروع ہونے والی سالانہ امرناتھ یاترا کے لیے رجسٹریشن کا عمل شروع ہو چکا ہے۔ رجسٹریشن کا یہ عمل آن لائن اور آف لائن دونوں طریقوں سے انجام دیا جا رہا ہے۔
یاتریوں کے رجسٹریشن کا کام ملک بھر میں کل 446 بینک شاخوں کو سونپا گیا ہے۔
جموں میں بھی ہفتہ کو درجنوں لوگوں نے اس سال ہونے والی یاترا کے لیے رجسٹریشن کرائی۔ رجسٹریشن کے دوران یاتریوں میں کافی جوش و خروش دیکھنے کو ملا۔
عالمی وبا کورونا وائرس کے بڑھتے مثبت معاملات کے پیش نظر امرناتھ یاتریوں کو رہنما خطوط کی پاسداری عمل میں لانے کی تلقین کی گئی ہے۔
قابل ذکر ہے کہ گذشتہ برس عالمی وبا کے پیش نظر سالانہ امرناتھ یاترا کا معطل کر دیا گیا تھا۔
یاتریوں کی رجسٹریشن کے لیے بینکوں کے عہدیداران کا کہنا ہے کہ ’’بلا کسی طوالت کے یاتریوں کی رجسٹریشن کو یقینی بنانے کے لیے بینکوں کی جانب سے معقول انتظامات کیے گئے ہیں۔‘‘
انتظامیہ کا کہنا ہیں امرناتھ یاترا کو محفوظ بنانے اور احسن طریقے پر انجام دیے جانے کے لیے سیکورٹی کے سخت انتظامات کے علاوہ ایس او پیز کا بھی پورا خیال کیا جا رہا ہے۔
یاتریوں کی حفاظت کو یقینی بنانے کے لیے تمام سکیورٹی ایجنسیاں متحرک ہوگئی ہیں اور یاترا روٹ پر حفاظت کے معقول انتظامت کیے جا رہے ہیں۔
گذشتہ برس کورونا وبا کی وجہ سے یاترا کو رد کردیا گیا تھا۔ تاہم اس سال کورونا وبا کی دوسری لہر کی وجہ سے سرکار نے یاترا کو انجام دینے کا چلینج قبول کیا ہے اور اس کے لیے خصوصی انتظامات کیے جا رہے ہیں۔
