سماجی رابطے کی ویب سائٹ فیس بک پر فحش تصاویر بھیجنے کی پاداش میں جموں پولیس نے ایک شخص کو حراست میں لے کر تحقیقات شروع کر دی ہے۔
جموں سابئیر سیل میں ایک خاتون نے شکایت درج کی کہ فیس بک پر نامعلوم خاتون کے نام سے چلنے والے ایک فیس بک اکاؤنٹ ہولڈر کے ساتھ اُس کی دوستی ہوئی چنانچہ بعد میں پتہ چلا کہ اکاؤنٹ چلانے والا خاتون نہیں بلکہ ایک مرد ہے۔
تحریری شکایت میں خاتون نے بتایا کہ جونہی اکاؤنٹ ہولڈر نے مرد ہونے کا اقرار کیا تو اُسی روز سے اُس نے فحش تصاویر بھیجنی شروع کیں جس کے بعد وہ ذہنی کوفت کا شکار ہو گئیں۔
جموں سابیئر پولیس کے مطابق خاتون اور مرد کے فیس بک اکاؤنٹ کی جانچ پڑتال کے بعد اس بات کی تصدیق ہوئی کہ مرد اکاؤنٹ ہولڈر نے خاتون کے فیس بک اکاؤنٹ پر قابلِ اعتراض تصاویر بھیجیں جس کے بعد اُس کی گرفتاری عمل میں لائی گئی ہے۔
