جموں وکشمیر کی سرمائی راجدھانی میں بقایا اجرتوں اور ملازمت مستقلی کے مطالبات کے حق میں مذکورہ ملازمین لگاتا ر احتجاج کر رہے ہیں تاہم ریاستی انتظامیہ کی جانب سے ان مطاہرین کی جانب کوئی توجہ نہیں دی گئی۔
'آل جے اینڈ کے پی ڈی ڈی کیجول لیبرز یو نین' کے بینر تلے سینکڑوں کی تعداد میں لوگوں نے محکمہ بجلی کے نیڈبیسڈ اور کیجول ملازمین نے محکمہ بجلی کے خلاف جموں پریس کلب میں احتجاج کیا۔ اس دوران احتجاجی ملازمین نے متعلقہ محکمہ اور ریاستی انتظامیہ کے خلاف شدید نعرے بازی کی ۔
یونین کے اراکین نے بتایا کہ وہ بقایا اجرتوں کی ادائیگی اورملازمت مستقلی کے مطالبات کے حق میں پچھلے تین برسوں سے احتجاج کررہے ہیں لیکن حکومت ہمارے مطالبات پورے کرنے میں ناکام رہی ہے۔
مزید پڑھیں:ششی تھرور نے ہیگڑے کے بیان کی مذمت کی
ان کا کہنا ہے کہ اگر کشمیر میں ایس آر او 381 لاگو کر کے 2012 تک کے عارضی ملازمین کی ملازمت کو باقاعدہ بنایا گیا تو پھر جموں کے عارضی ملازمین کو کیوں مستقل نہیں کیا گیا؟۔
انہوں نے کہا کہ جب تک ہمارے مطالبات پورا نہیں کئے گئے ہم احتجاج جاری رکھیں گے ۔
