ضلع راجوری کے نوشہرہ کے جنوب میں ندی میں ایک شخص پھنس گیا جس کو بروقت ریسکیو آپریشن کر کے بچا لیا گیا۔
فضائیہ کے اہلکاروں نے ایک شخص کو بچایا
تفصیلات کے مطابق گزشتہ روز ایک شخص راجوری کے نوشہرہ میں واقع ایک نالے میں اچانک پانی کے بہاٶ میں اضافہ کی وجہ سے پھنس گیا جس کو فوج، پولیس اور سول انتظامیہ نے فوری ریسکیو کر لیا۔
ریسکیو اسکارڈ گنیش پرساد کی سربراہی میں بھارتی فضاٸیہ کے ہیلی کاپٹر کو فوری طور پر اس شخص کو بچانے کے لیے خدمت میں لایا گیا۔ ہیلی کاپٹر 6 بج 15 منٹ کے لگ بھگ ریسکیو مقام پر پہنچا۔
عملے نے فوری طور پر ہیلی کاپٹر کو زمین کے قریب رکھنے کے لیے ایک مناسب جگہ کا انتخاب کیا۔ اس کے بعد اسپیشل فورس کے دو کمانڈوز کو اس جگہ پر اتارا گیا اور وہ اس شخص تک پہنچے جو وہاں پھنسا ہوا تھا۔
کمانڈوز نے اس شخص کو ہیلی کاپٹر کے ذریعے نالے سے باہر نکالنے میں کامیابی حاصل کی۔
