جموں و کشمیر کی سرمائی دارالحکومت جموں میں پھولوں کا کاروبار شدید متاثر ہوا ہے۔ رواں برس پھول مہنگے ہونے کی وجہ سے لوگ کم ہی پھول خرید رہے ہیں۔
شادیوں کے موقع پر گھروں کو سجانے کے لیے پھولوں کا استعمال ہوتا تھا، تاہم کورونا وائرس کی وجہ سے پھول بیچنے والوں کے پاس خریدار نہیں آ رہے ہیں۔ کاروباریوں کے مطابق اس سال پھولوں کی خریداری بہت کم ہے۔
ایک کاروباری نے بتایا کہ جس طرح کبھی پھولوں کی خرید و فروخت ہوا کرتی تھی، اب اس طرح نہیں ہوتی۔ کاروباریوں نے بتایا کہ کورونا وائرس اور گزشتہ دنوں لاک ڈاؤن کی وجہ سے ہر چیز مہنگی ہوئی ہے۔ اس کے ساتھ ہی پھولوں پر بھی مہنگائی کا اثر دیکھنے کو مل رہا ہے۔
یہ بھی پڑھیں: ترال: خانقاہ فیض پناہ 24 برسوں سے تشنۂ تکمیل
پھولوں کے کاروباریوں کا حکومت سے مطالبہ ہے کہ ان کو دکانیں کھولنے کی اجازت دی جائے تاکہ وہ اپنے گھر کا خرچ چلا سکیں۔
