خبر رساں ایجنسی اے این آئی کے مطابق امت شاہ نے آج صبح 9 بجے دہلی ریلوے اسٹیشن سے 'دہلی کٹرا وندے بھارت ایکسپریس' کو ہری جنڈی دکھا کر روانہ کیا۔
امت شاہ کے ہمراہ وزیر ریل پیوش گویل، وزیر اعظم دفتر میں مرکزی وزیر مملکت ڈاکٹر جتندر سنگھ تھے۔
اس موقع پر امت شاہ نے کہا کہ:' مجھے فخر ہے کہ 'میڈ ان انڈیا' (Made in India) ریل کا آج افتتاح ہوا۔ محکمہ ریل رفتار ، پیمانے اور خدمات کے اصولوں کو مدنظر رکھتے ہوئے اپنے اہداف کے حصول کی طرف کام کر رہا ہے۔
امت شاہ نے کہا کہ دفعہ 370 کو منسوخی سے قبل جموں و کشمیر کی ترقی کی راہ میں بہت سی رکاوٹیں تھیں۔ اگلے دس برسوں کے دوران جموں و کشمیر ترقی یافتہ ریاستوں میں شامل ہوجائے گی۔
انہوں نے کہا کہ ریاست میں سیاحت کو فروغ دینے کے لیے 'وندے بھارت ایکسپریس' کے ساتھ ترقی کا سفر شروع ہوا ہے۔
