معروف فلم اور سیریل پروڈیوسر شیو ساگر نے راج بھون میں لیفٹیننٹ گورنر منوج سنہا سے ملاقات کی۔
شیو ساگر، جو معروف فلم ساز رام انند ساگر کے پوتے ہیں، نے لیفٹیننٹ گورنر سے ان کے مستقبل کے منصوبوں کے بارے میں تبادلہ خیال کیا اور انہیں ماتا وشنو دیوی جی پر اپنی آنے والی سیریز کے بارے میں بھی بتایا، جس کی وہ جموں و کشمیر میں شوٹنگ کرنے جارہے ہیں۔
لیفٹیننٹ گورنر نے کہا کہ جموں و کشمیر حکومت نئی فلم پالیسی کے ذریعے جموں و کشمیر میں فلم سازی کے لئے سازگار ماحول پیدا کرنے کی کوشش کر رہی ہے تاکہ ایک بار پھر سلور اسکرین پر جموں و کشمیر کی خوبصورتی کی نمائش کے سنہری دور کو واپس لایا جاسکے۔
لیفٹیننٹ گورنر نے کہا کہ اس کے علاوہ، یونین ٹیریٹری میں آنے والے فلم سازوں کی سہولت کے امکانات کو تلاش کر رہے ہیں۔
لیفٹیننٹ گورنر نے فلم پروڈیوسر کو یونین ٹریٹری انتظامیہ کے مکمل تعاون کی یقین دہانی کرائی۔
سنیل لاہری، جو رام انند ساگر کی مہاکاوی ٹیلی ویژن سیریز 'رامائن' میں 'لکشمن' کے کردار پیش کرنے کے لئے مشہور ہیں، نے بھی فلم پروڈیوسر کے ہمراہ اور لیفٹیننٹ گورنر کو رامائن سیریل کی مکمل جلد پیش کی۔
اس موقع پر لیفٹیننٹ گورنر کے پرنسپل سکریٹری نتیشور کمار بھی موجود تھے۔
