کرائم برانچ جموں نے پنچایت الیکشن میں جعلی کٹیگری سرٹیفکیٹ (Fake Reservation Category Certificate) پیش کرنے پر سرپنچ کے خلاف مقدمہ درج کیا ہے۔
کرائم برانچ جموں کے مطابق سرپنچ سنتوش کماری زوجہ بدھی چند سمیت کچھ آفیشلز - جنہوں نے مبینہ طور سرپنچ کو جعلی سند حاصل کرنے میں مدد کی ہے - کے خلاف مقدمہ دائر کیا ہے۔
جوگندر سنگھ ولدکستوری لال ساکن بھجنوا کی جانب سے دائر کردہ تحریری شکایت کرائم برانچ جموں کو موصول ہوئی تھی جس میں درخواست گزار نے کہا تھا کہ اس کی زوجہ شیتل کور نے ایک ریزرو زمرہ (ایس سی) حلقہ میں بطور سرپنچ امیدوار سنتوش کماری دختر بیدھی چند ساکن بھجنوا کے خلاف انتخاب میں حصہ لیا تھا جو وہ ہار گئی تھی۔
مزید پڑھیں: جعلی اسناد جاری کرنے والوں کے خلاف کارروائی کا مطالبہ
درخواست گزار نے الزام عائد کرتے ہوئے دعویٰ کیا تھا کہ سنتوش کماری نے جعلی ایس سی زمرہ کی سرٹیفکیٹ (Fake Reservation Category Certificate) کی بنیاد پر سرپنچ کے انتخابات میں فتح حاصل کی جبکہ ریونیو ریکارڈ کے مطابق اس کے شوہر اور والدین کا تعلق راجپوت برادری سے ہے۔
شکایت موصول ہونے کے بعد کرائم برانچ Crime Branch Jammuنے ابتدائی تحقیق کے دوران درخواست گزار کے الزامات کو درست پایا اور کرائم برانچ کی ابتدائی تحقیق کے مطابق کماری نے ریونیو ڈیپارٹمنٹ کے اعلیٰ آفیشلز کی مدد سے ریزور کیٹگری سند حاصل کی تھی۔
کرائم برانچ جموں Crime Branch Jammuنے سرپنچ سمیت دیگر افراد کے خلاف ابتدائی تفتیش کے بعد ایک مقدمہ دائر کرکے مزید تحقیقات شروع کر ہے۔
