چیف آف ڈیفنس اسٹاف جنرل بپن راوت نے جموں کے راج بھون میں لیفٹیننٹ گورنر منوج سنہا سے ملاقات کی۔
جنرل بپن راوت اور لیفٹیننٹ گورنر نے جموں و کشمیر میں سیکیورٹی کی موجودہ صورتحال سے متعلق مختلف امور پر تبادلہ خیال کیا۔
'ہم حق پر ہیں اور حق کی ہمیشہ جیت ہوتی ہے'
انہوں نے جموں و کشمیر میں داخلی اور خارجی سلامتی کے انتظام سے متعلق اہم امور کے بارے میں بھی تبادلہ خیال کیا۔
اس موقع پر جنرل آفیسر کمانڈنگ ان چیف (جی او سی ان سی) ناردرن کمانڈ لیفٹیننٹ جنرل وائی کے جوشی بھی موجود تھے۔
دریں اثنا سابق وزیر اور جموں و کشمیر اپنی پارٹی کے لیڈر چودھری ذوالفقار علی کی قیادت میں ایک وفد نے راج بھون میں لیفٹیننٹ گورنر منوج سِنہا سے ملاقات کی۔
وفد نے قبائلی طبقے کی بہتری کے لیے فارسٹ رائٹس ایکٹ پر عمل درآمد شروع کرنے پر یو ٹی انتظامیہ کی ستائش کی۔
اُنہوں نے لیفٹیننٹ گورنر کو راجوری کے مختلف ترقیاتی معاملات سے آگاہ کیا جن میں بینکنگ سہولیات کو بڑھانا ، صحت سہولیات کو اپگریڈ کرنے کے علاوہ عوامی اہمیت کے دیگر امور بھی شامل تھے۔
