جموں:سنٹرل بیورو آف انویسٹی گیشن نے جموں کنٹونمنٹ بورڈ کے ایک ریونیو انسپکٹر کو ایک لاکھ روپے کی رشوت طلب کرنے کے الزام میں گرفتار کیا ہے۔
سنٹرل بیورو آف انویسٹی گیشن کے ایک ترجمان کے مطابق شکایت کنندگان نے ایک شکایت درج کی کہ جموں کنٹونمنٹ بورڈ کے انسپکٹر ان سے دو لاکھ روپیے رشوت طلب کر رہے ہیں۔ بیان میں کہا گیا ہے کہ شکایت کنندہ 1991 سے جموں چھاؤنی کے اندر ایک رہائشی کوارٹر میں مقیم تھا اور شکایت کنندہ کی والدہ کو 23 اگست 2023 کو جموں کنٹونمنٹ بورڈ نے بے دخلی کا حکم جاری کیا۔
شکایت کنند گان یہ بھی الزام لگایا گیا تھا کہ ملزم نے شکایت کنندہ سے رہائشی کوارٹر سے بے دخل نہ کرنے اور اس میں الاٹمنٹ اندراج کرنے کے لیے 2 لاکھ روپے کی رشوت طلب کی تھی۔سی بی آئی نے مقدمہ درج کرکے ملزم کے خلاف ایک جال بچھا دیا اور ملزم کو ایک لاکھ روپے رشوت لیتے ہوئے گرفتار کیا۔
مزید پڑھیں:
- Five Policemen Bribe Case دو روپیے رشوت کیس میں سینتیس سال بعد آیا فیصلہ، پانچ پولیس اہلکار بری
- FCI Godown Owner Arrested: ایف سی آئی گودام مالک رشوت لیتے ہوئے رنگے ہاتھوں گرفتار
بعد میں سی بی آئی نے ملزم کے گھر کی تلاشی لی اور اس دوران انہوں نے 6.50 لاکھ روپے کی نقد رقم اور جائیداد کے دستاویزات برآمد کیے۔ یہ پہلا موقعہ ہے کہ ایک مالیاتی افسر کو رشوت لیتے ہوئے رنگے ہاتھوں گرفتار کیا گیا ہے۔ سی بی آئی نے جموں و شکمیر میں ایک مہم شروع کی ہے جس میں لوگوں کو ایس ایم ایس اور دیگر ذرائع کا استعمال کرکے مطلع کیا جاتا ہے کہ اگر وہ مرکزی حکومت کے کسی ادارے میں رشوت ستانی کا ماحول دیکھ رہے ہیں یا ان سے کسی افسر یا اہلکار نے رشوت طلب کی ہو، تو ہو دئے گئے نمبرات پر رابطہ کریں۔
