پولیس نے ہفتے کے روز بتایا کہ بہار سے تعلق رکھنے والے ایک شخص کو عسکری تنظیم لشکر مصطفیٰ (ایل ایم) کے کمانڈر ہدایت اللہ ملک سے مبینہ تعلقات کے الزام میں گرفتار کیا گیا ہے۔
شوپیاں کے رہائشی ملک کو 6 فروری کو جموں کے کنجوانی علاقے سے گرفتار کیا گیا تھا۔
جموں پولیس کے انسپکٹر جنرل مکیش سنگھ نے بتایا کہ جاوید عالم انصاری کو گرفتار شدہ ایل ایم کمانڈر ہدایت اللہ ملک کو اسلحہ کی فراہمی کے سلسلے میں انسداد دہشت گردی اسکارڈ (اے ٹی ایس) پٹنہ کی مدد سے چھپرا - بہار سے گرفتار کیا گیا ہے۔
انہوں نے مزید کہا کہ انصاری نے لشکر مصطفیٰ کمانڈر کو اسلحہ اور گولہ بارود فراہم کیا۔
انصاری کے خلاف ایف آئی آر درج کی گئی ہے اور معاملے کی مزید تفتیش جاری ہے۔
