جموں میں بھارتی جنتا یووا مورچہ اور مختلف تنظیموں نے شہری ہلاکتوں کے خلاف احتجاجی مظاہرے کیے۔ جموں کے مختلف علاقوں میں یہ احتجاجی مظاہرے کیے گئے۔
بی جے پی کے سینئر لیڈر یدھویر سیٹھی کی قیادت میں بی جے وائی ایم کے اراکین نے کشمیر میں ہوئے شہری ہلاکتوں کے خلاف احتجاجی مظاہرہ کیا۔
شہری ہلاکتوں کے خلاف نعرے لگاتے ہوئے سیٹھی نے کہا کہ اقلیتوں کو نشانہ بنا کر کشمیر میں 90 کی دہائی کی صورتحال پیدا کرنے کی کوشش کی جا رہی ہے۔ انہوں نے کہا کہ پولیس انتظامیہ جاگ جائے اور کشمیر میں ہوئے شہریوں کے قتل معاملے کی مخالفت کرے۔
مزید پڑھیں:جموں و کشمیر: آئی ایف جے کا صحافیوں کی جلد رہائی کا مطالبہ
دریں اثنا، شیو سینا کے اراکین بھی گزشتہ کئی روز سے کشمیر میں شہریوں اور غیر مقامی لوگوں کی ہلاکت کے خلاف احتجاج کر رہے ہیں۔ مظاہرین نے مطالبہ ہے کیا کہ بھارتی کرکٹ ٹیم پاکستان کے کھلاڑیوں کے ساتھ ٹی 20 ورلڈ کپ میں میچ نہ کھیلے۔ انہوں نے اس قتل کو اقلیتی برادریوں کو نشانہ بنانے کی سازش قرار دی ہے۔ انہوں نے کہا ہے کہ اس بزدلانہ حرکت کے خلاف لوگوں میں غصہ ہے اور اس لیے شیو سینا اس طرح کا احتجاج پورے ہندوستان میں کرے گی۔
