واضح رہے کہ بلاک ڈیولپمنٹ کاؤنسل کے انتخابات میں کل 1065 امیدوار میدان میں تھے جن کے لیے 26000 پنچ اور سرپنچوں کو ووٹنگ کرنی تھی۔ جبکہ اس انتخابات کی کانگریس، پی ڈی پی اور نیشنل کانفرنس نے مخالفت کی ہے۔ ایسے میں مقابلہ میں صرف بی جے پی اور اس کے سامنے آزاد امیدوار ہی بچے ہیں۔ مانا جا رہا ہے کہ بی جے پی کے لیے یہ شاید جموں و کشمیر میں اب تک کے سب سے آسان انتخابات ہیں۔
ضلع جموں میں کل 99.5 فیصد ووٹنگ ہوئی ہے۔ 3 بجے سے ووٹوں کی گنتی شروع ہو گئی ہے۔ وہیں جموں کے سرحدی علاقے مڈھ اور آر ایس پورا پنچایت کے امیدوار کافی خوش دکھے اور انہیں امید ہے کہ وہ ان انتخابات کے بعد اچھا رہنما منتخب کریں گے اور گاؤں اور ہر علاقے کی ترقی کروائیں گے۔
جموں و کشمیر میں کل 316 بلاک ہیں، جن میں سے 310 پر ووٹنگ ہو رہی ہے۔ دو بلاک میں منتخب پنچ اور سرپنچ نہیں ہیں اور 4 بلاک خواتین کے لیے مختص ہیں اور وہاں کوئی خاتون امیدوار نہیں ہے۔ انتخابات میں حصہ لینے والے تقریبا 80 فیصد امیدوار آزاد ہیں، اس کے علاوہ 20 فیصد امیدوار بی جے پی کے ہیں۔
